Bus nahulog sa bangin sa Nueva Ecija, 30 patay

Hindi bababa sa 30 tao ang patay matapos mahulog sa bangin ang isang pampasaherong bus na galing Isabela at papuntang Ilocos Sur. Nawalan umano ng preno ang sasakyan kaya nahulog ito sa bangin sa Carranglan, Nueva Ecija. 

Ayon kay Mayor Mary Abad, accident-prone ang pinangyarihan ng insidente.

"Maraming bangin na dinadaanan, almost zigzag din 'yan, dinadaanan papuntang Isabela, Abra," aniya.

Nagpaabot ng pakikiramay si Pangulong Rodrigo Duterte sa pamilya ng mga biktima ng aksidente.

Siniguro rin ni Presidential Spokesperson Ernesto Abella na pananagutin ang mga may sala sa insidente.

"We guarantee that the culprits behind the fatal bus mishap will be held accountable," ani Abella.