33 raliyista sa marahas na US embassy rally, KINASUHAN NA

MANILA, Philippines - Pormal nang naghain ng patong-patong na kaso  sa Manila Prosecutors Office laban sa mga lider at ilang miyembro ng mga grupong kasama sa kontrobersyal na rally noong Octubre 19 taong kasalukuyan.

Isinampa sa kanila ang mga kasong  ille­gal assembly, direct assault of person in au­tho­­rity, physical inju­ry, resisting arrest at maliscious  mischief.

Ka­bilang  sa mga kinasuhan sina  BAYAN secretary general Renato Reyes, Pia Macliying Malayaw Sandugo at Obet de Castro ng  Kilusang Mayo Uno (KMU).

Ilang araw na ki­numpleto ang mga dokumento sa kaso ng Manila Police District-General Assignment  and Investigation Section, na pinamumunu­an ni P/Chief Insp. Arsenio Riparip.

Close ad X

Nag­sagawa naman ng panibagong kilos protesta kahapon ang mga indigenous people at mga militante sa ha-rap ng Bonifacio Shrine.

Nagdulot naman ng masikip na daloy ng trapiko ang nasabing protesta na ikinagalit at ikinairita ng maraming tao.