VIRAL: Train to Baclaran mas nakakatakot pa sa Train to Busan

Viral ngayon sa sosyal media ang video ng Seemon Florano. Makikita sa video ang biglang pagsara ng pinto ng isang tren ng Light Rail Transit (LRT) Line 1.

"Sabi nila nakakatakot daw ang Train to Busan. Di ko pa kase napanood. Pero sigurado ako na nakakatakot itong nasaksihan ko. 😱" Ito ang pahayag ni Seemon Florano tungkol sa kanyang video. Ang insidente, ayon kay Florano, ay nangyari noong September 20 bandang 1:00 hanggang 1:30 ng hapon sa Vito Cruz Station.

Umabot na sa dalawang million ang views ng nasabing video.

Nagbigay naman ng pahayag si Rochelle Gamboa, corporate communications head ng Light Rail Manila Corporation (LRMC), ayon sa kanya naayos na umano ang nasabing depektibong pinto noong araw ding iyon.