Nawawalang UP-LB Graduate, nakauwi na ng Bahay

Nakauwi na ng bahay ang nawawalang University of the Philippines - Los Baños (UPLB) graduate na si Michael Kenneth Cruz. Si Cruz ay naiulat na nawawala noong isang linggo matapos pumasok sa unang araw ng kanyang trabaho sa isang food and beverage company sa Balayan, Batangas.

Ayon kay Dolores Cruz, ina ng binata, ang kanyang anak ay ligtas na nakauwi noong Miyerkules ng hapon. Tumangging magbigay ng detalye si Cruz. Gayunpaman, lubos na pinasasalamatan ng ina ang publiko na tumulong sa pagpapalaganap ng report ng pagkawala ng binata. 

"Maraming salamat po sa mga tumulong at nakauwi na po nang maayos ang anak ko," pahayag niya sa isang telephone interview.

Si Cruz, 23, ng Pasig, isang licensed chemical engineer ay nagtapos na magna cum laude noong 2015 at bunso sa kanilang pamilya.

Nagviral sa facebook ang posts ukol sa kanyang pagkakawala.