VIRAL: Kwek-kwek nirecycle at niluto upang itinda ulit sa Baclaran

Nag-viral sa social media ang video ng isang lalaking nagre-recycle umano ng kanyang tindang kwek-kwek, o piniriton itlog ng manok o pugo na binalutan ng harinang may atsuwete upang magkulay orange.

Sa nasabing video, makikita ang tinderong nakaupo sa bangketa at tinatanggalan ng harina ang mga itlog. Ibinababad niya ang mga nabalatang itlog sa isang kalderong may tubig bago sinasala.