WATCH: PRES. DUTERTE, nangakong di na magmumura matapos makausap ang Diyos

NANGAKO si Pangulong Rodrigo Duterte na hindi na sya magsasalita ng bulgar at magmumura at matapos umano niyang “makausap” ang Diyos habang sakay ng eroplano pauwi ng Pilipinas mula sa kanyang 3 araw na pagbisita sa Japan.

“I was looking at the skies while I was coming over here and everybody was asleep, snoring, but a voice said that, you know, ‘If you don’t stop epithets, I will bring this plane down now.’ And I said, ‘Who is this?’ So, of course, it’s God. Okay,” pahayag ni Duterte sa kanyang talumpati sa kanyang pagdating sa Davao City.





“So, I promised God to—not to express slang, cuss words and everything. So you guys hear me right always because promise to God is a promise to the Filipino people,” dagdag pa ng Pangulo.

Sa kabilang banda, inamin din nya na maaaring magmura ulit sya kung kinakailangan.

'There's always a time for everything, a time to be foul-mouthed,”

Ayon naman kay Senator Alan Cayetano unang pagkakataon umano kagabi na tahimik ang Pangulo at mag-isa lang sa kanyang upuan sa eroplano habang pauwi mula Japan. Naniniwala rin siya na  "answered prayer" ang naging desisyon ng Pangulo.

Nilinaw din ng Malacañang na sariling desisyon Duterte ang hindi na pagmumura.

Inihayag din ni Presidential Spokesman Ernesto Abella na walang kinalaman ito sa mga negatibong reaksyon ng mga tao o ang pakikipag-usap nya kay Japanese Prime Minister Shinzo Abe.